বিশেষ বাৰ্তা, ১৫ মেঃ কৃষিমন্ত্ৰী অতুল বৰাৰ পিতৃ প্ৰয়াত মেহুৰাম বৰাৰ ৯২সংখ্যক জন্মদিন আজি পালন কৰা হয়। জন্মদিনৰ সৈতে সংগতি ৰাখি মন্ত্ৰী বৰাৰ ককাদেউতাক প্ৰয়াত যুগ বৰাৰ স্মৃতি ৰক্ষাৰ এক সুদূৰপ্ৰসাৰী চিন্তাই সাকাৰ ৰূপ লাভ কৰে। সেই অনুসৰি গোলাঘাটৰ বৰাহী গাঁৱত বৰাহী ফাউণ্ডেচনৰ তৎপৰতাত নিৰ্মাণ কৰা এটা সংগ্ৰহালয় আজি উদ্বোধন কৰা হয়। “যুগ বৰা সংগ্ৰহালয়” নামকৰণেৰে স্থাপন কৰা সংগ্ৰহালয়টো আজিনাগালেণ্ডৰ গ্লোবেল মুক্ত বিশ্ববিদ্যালয়ৰ উপাচাৰ্য তথা ৰাজ্য চৰকাৰৰ পুৰাতত্ত্ব বিভাগৰ প্ৰাক্তন সঞ্চালক ড° হেমেন্দ্ৰনাথ দত্তই শুভ উদ্বোধন কৰে। উক্ত অনুষ্ঠানত বহু সুধী ব্যক্তিৰ লগতে মন্ত্ৰী অতুল বৰাও উপস্থিত থাকে।