নিয়মীয়া বাৰ্তা, ১৬ মে: ভয়ংকৰ পথ দুৰ্ঘটনাত মৃত্যু IC জোনমণি ৰাভাৰ৷ জখলাবন্ধাত ট্ৰাকৰ সৈতে মুখামুখি সংঘৰ্ষ মাৰুতি এল্ট’ৰ৷ জখলাবন্ধাৰ সৰুভগীয়াত নিশা প্ৰায় ডেৰ বজাত এই ঘটনা৷ UP 78 UT 4518 নম্বৰৰ ট্ৰাকত খুন্দা জোনমণি ৰাভাৰ বাহনৰ৷ দুৰ্ঘটনাত থিতাতে নিহত আৰক্ষী বিষয়া জোনমণি ৰাভা৷
উল্লেখ্য যে নগাঁৱৰ মৰিকলং আৰক্ষী চকীৰ IC আছিল জোনমণি ৰাভা৷ পুৱতি নিশা ঘটনাস্থলীত উপস্থিত নগাঁও আৰক্ষী অধীক্ষক লীনা দলে৷ জখলাবন্ধা চিকিৎসালয়ত ৰখা হৈছে জোনমণি ৰাভাৰ মৃতদেহ৷ তীব্ৰবেগেৰে উজনি অসম অভিমুখে গৈ আছিল জোনমণি ৰাভা৷
ইপিনে ৰহস্যৰ আৱৰ্তত আৰক্ষী বিষয়া জোনমণি ৰাভাৰ মৃত্যু। জোনমণিৰ মৃত্যুৰ এক তদন্ত বিচাৰিছে জোনমণিৰ পৰিয়ালৰ লগতে স্থানীয় ৰাইজে।
প্ৰেৰক: কনক হাজৰিকা, নগাঁও