বিশেষ বাৰ্তা, ১৭ মেঃ আজি এটা গোচৰৰ শুনানি গ্ৰহণ কৰি উচ্চতম ন্যায়ালয়ে প্ৰেম বিবাহ আৰু বিবাহ বিচ্ছেদ সন্দৰ্ভত মন্তব্য কৰে। স্বামী-স্ত্ৰীৰ মাজত বৈবাহিক বিবাদৰ গোচৰৰ শুনানি গ্ৰহণ কৰি ন্যায়াধীশ বি আৰ গাভাইয়ে কয় যে প্ৰেম বিবাহত বিবাহ বিচ্ছেদৰ গোচৰ বৃদ্ধি পাইছে। আচলতে আদালতে শুনানি চলি থকা গোচৰটোত দম্পতীহালে কেৱল প্ৰেমৰ বিবাহহে হৈছিল। এই সন্দৰ্ভত অধিবক্তাগৰাকীৰ পৰা তথ্য লাভ কৰি ন্যায়াধীশ গৱাইয়ে এই মন্তব্য কৰে। অৱশ্যে এই মন্তব্যক ন্যায়াধীশৰ বিশুদ্ধ ব্যক্তিগত মন্তব্য হিচাপে গণ্য কৰা হ’ব। এইটো কোনো আদেশ নহয়। আদালতে শুনানি চলি থকা গোচৰটোত স্বামী-স্ত্ৰীক মধ্যস্থতাৰ জৰিয়তে বিবাদ নিষ্পত্তি কৰিবলৈ নিৰ্দেশ দিছে। বাৰ এণ্ড বেঞ্চৰ মতে অৱশ্যে আদালতে কয় যে শেহতীয়াকৈ লোৱা সিদ্ধান্তৰ প্ৰতি লক্ষ্য ৰাখি তেওঁৰ সন্মতি অবিহনে বিবাহ বিচ্ছেদ কৰিব পাৰে। দৰাচলতে উচ্চতম আদালতে কৈছিল যে বিবাহৰ অপ্ৰত্যাহাৰযোগ্য বিচ্ছেদ হ’লে ১৪২নং অনুচ্ছেদৰ অধীনত নিজৰ হৈ বিবাহ বিচ্ছেদৰ নিৰ্দেশ দিব পাৰে।