নিয়মীয়া বাৰ্তা, ৩০ মেঃ ৰঙিয়া আৰক্ষীয়ে আজি এক গোপন সূত্ৰৰ পম খেদি ড্ৰাগছসহ এজন সৰবৰাহকাৰীক আটক কৰিবলৈ সক্ষম হয় । ৰঙিয়া থানাৰ ভাৰপ্ৰাপ্ত আৰক্ষী বিষয়া ভাস্কৰ মল্ল পাটোৱাৰী আৰু নগৰ আৰক্ষী উপ-পৰিদৰ্শক সমৰজ্যোতি ডেকাৰ নেতৃত্বত যোৱা আৰক্ষীৰ দল এটাই উদিয়ানাত ড্ৰাগছৰ বিৰুদ্ধে অভিযান চলায় । অভিযানকাৰী দলটোৱে দিলোৱাৰ হুছেইন নামৰ এজন সৰবৰাহকাৰীক আটক কৰিবলৈ সক্ষম হয় । ধৃত দিলোৱাৰৰ গৃহৰ পৰা তিনিটা চাবোনৰ বাকচ, কেইবাটাও কন্টেনাৰৰ লগতে ৩৭ গ্ৰাম ড্ৰাগছ উদ্ধাৰ কৰে ।
প্ৰেৰক ফাৰুক হুছেইন