নিয়মীয়া বাৰ্তা, ৬ জুন: কেকেআইএফ, অ’এমএ’এ’ আৰু ডব্লিউএফএচকেঅ’ৰ অধীনৰ প্রায় ৮০গৰাকী খেলুৱৈক কাৰাটেৰ ৰঙীন বেল্ট প্রদান কৰা হয় । তদুপলক্ষে যোৰহাট জিলা ক্রীড়া সন্থাৰ কর্মাচিয়েল কমপ্লেক্সত এক গাম্ভীর্যপূর্ণ অনুষ্ঠানৰ আয়োজন কৰা হয় । কাৰাটেৰ তিনিওটা সংগঠনৰ মুখ্য প্রশিক্ষকত্রয় অতুল চন্দ্র কলিতা, জিতেন বৰা, মৃদু্ল পৱন জোনৰ উপৰি বিশিষ্ট অধিবক্তা সুদীপ্ত নয়ন গোস্বামীৰ উপস্থিতিত খেলুৱৈসকলক বেল্টসমূহ প্রদান কৰা হয় । সাংবাদিক অজন্ত কুমাৰ বৰাই আঁত ধৰা অনুষ্ঠানত নৱজিৎ কলিতা, সত্যজ্যোতি দত্ত, অজিত বৰা, বিকাশ পাহাৰী, ৰজন বৰা, ভৱেশ ঠাকুৰীয়া প্রমুখ্যে বহুকেইগৰাকী প্রশিক্ষক আৰু অভিভাৱক উপস্থিত থাকে । উল্লেখ্য যে এই অনুষ্ঠানতে নেপালৰ কাঠমাণ্ডুৰ কটেশ্বৰত ১৪ মে’ৰ পৰা ১৬ মে’লৈকে অনুষ্ঠিত ইণ্ডো-নেপাল আন্তৰাষ্ট্ৰীয় কাৰাটে চেম্পিয়নশ্বিপত অসমৰ হৈ প্রতিনিধিত্ব কৰি ৰূপ আৰু ব্ৰঞ্জৰ পদক লাভ কৰি যোৰহাটলৈ গৌৰৱ কঢ়িয়াই অনা জিতেন বৰা, অতুল চন্দ্ৰ কলিতা আৰু মৃদুল পৱন জোনক সম্বর্ধনা জ্ঞাপন কৰা হয় ।
প্ৰেৰক নৱজ্যোতি তামুলী