বিশেষ বাৰ্তা, ১০ জুনঃ অৰুণাচলত ভয়ংকৰ ভূমিস্খলনৰ ঘটনা সংঘটিত হয়। গোডাক-ৰাগা পথত হোৱা ভূমিস্খলনত এখন যাত্ৰীবাহী ছুমো পোত যায় । ঘটনাত ছুমো চালকজন গুৰুতৰভাৱে আহত হয়। কমলে জিলাৰ গোডাক-ৰাগা পথত হোৱা ভূমিস্খলনৰ ঘটনাত ৪জন লোক নিহত হোৱাৰ লগতে ৫জন আহত হয়। আহত লোকসকলক ৰাগা হাস্পতালত ভৰ্তি কৰোৱা হৈছে। কমলে জিলাৰ আৰক্ষী অধীক্ষক তৰু গুছাৰে জনোৱা মতে, আজি পুৱা ৮ বজাৰ পৰা ৮:৩৫ বজাৰ ভিতৰত গোডাক আৰু ৰাগাৰ মাজত কমলে জিলাত ভূমিস্খলনৰ ঘটনাটো সংঘটিত হয়। আৰক্ষী, উদ্ধাৰকাৰী বাহিনী, চিকিৎসকৰ দল আৰু সাধাৰণ জনতাই নিহত আৰু আহতসকলক মাটিৰ তলৰ পৰা উদ্ধাৰ কৰে। নিহত লোককেইজন হ’ল লংকু টাড, য়ামিঅ’ লা, টাগাম বাজা আৰু ছাইফুল ইছলাম।