বিশেষ বাৰ্তা, ১০ জুনঃ মুম্বাইৰ ডংগ্রী অঞ্চলত এন চি বিয়ে অভিযান চলাই বৃহৎ ড্রাগ্ছ সৰবৰাহকাৰী চক্র এটাক উৎখাত কৰিবলৈ সক্ষম হৈছে ৷ বিশেষ সূত্রৰ আধাৰত এন চি বিৰ মুম্বাই মাণ্ডলিকে অভিযান চলাই ডংগ্রী অঞ্চলৰ পৰা ৫০ কোটি মূল্যৰ ২০ কিলোগ্রাম মেফেড্রোন, নগদ ১.১০ কোটি টকা আৰু ১৮৬.৬ গ্রাম সোণৰ অলংকাৰ জব্দ কৰাৰ লগতে তিনি ড্রাগ্ছ সৰবৰাহকাৰীক গ্রেপ্তাৰ কৰে ৷ ৰাজ্যখনত মেফেড্রোন যোগান ধৰাৰ লগতে সৰবৰাহকাৰী চক্রটোক এন চি বিয়ে বিগত কেইদিনমানৰ পৰা নিৰীক্ষণ চলাই থাকি গ্রেপ্তাৰ কৰিবলৈ সক্ষম হোৱাৰ লগতে বৃহৎ পৰিমাণৰ ড্রাগ্ছ জব্দ কৰিবলৈ সক্ষম হয় ৷ খান নামৰ ড্রাগ্ছ সৰবৰাহকাৰীৰ জৰিয়তে এন চি বিয়ে তথ্য লাভ কৰি এ এফ শ্বেখ নামৰ মহিলা এগৰাকীৰ বাসগৃহত অভিযান চলোৱাৰ সময়তে এই ড্রাগ্ছ, নগদ ধন, সোণৰ অলংকাৰৰ লগতে তিনি সৰবৰাহকাৰীক গ্রেপ্তাৰ কৰিবলৈ সক্ষম হয়৷