🔴 মিগ–২৯ কেসহ ৩৫ যুদ্ধবিমানৰ অংশগ্রহণ
বিশেষ বাৰ্তা, ১১ জুনঃ আৰব সাগৰত দুই বিমান পৰিবাহী জাহাজ আই এন এছ বিক্রমাদিত্য আৰু আই এম এছ বিক্রান্তক লৈ ভাৰতীয় নৌ বাহিনীয়ে অভিযানেৰে শক্তি প্রদর্শন কৰিলে ৷ ভাৰতীয় মহাসাগৰ অঞ্চলত চীনৰ আধিপত্য বৃদ্ধিৰ প্রতি লক্ষ্য ৰাখি আৰব সাগৰত ৩৫তকৈ অধিক যুদ্ধবিমান বিশেষকৈ মিগ–২৯কে, হেলিকপ্টাৰ এম এইচ–৬০ আৰ, কেমোভ, কে এল এইচেৰে নৌ সেনাই নিজৰ শক্তি প্রদর্শন কৰে ৷ এই অভিযানত কেইবাখনো যুদ্ধ জাহাজ, ছাবমেৰিনেও অংশগ্রহণ কৰে ৷ ভাৰতীয় নৌ সেনাৰ শীর্ষ বিষয়াই প্রকাশ কৰা মতে, দুই বিমান পৰিবাহী জাহাজেৰে দেশৰ সেনাই আৰব সাগৰত অভিযান চলায় ৷ নিজ দেশৰ সাগৰীয় সামৰিক শক্তি প্রদর্শনেৰে চুবুৰীয়া ৰাষ্ট্র চীনক প্রত্যাহ্বান জনোৱাৰ ইংগিত দিয়ে ৷