নিয়মীয়া বাৰ্তা, ২৬ জুনঃ বৰপেটাৰোডত ১ কোটি ৪০লাখ টকাৰ ড্ৰাগছ সহ এজন লোকক আৰক্ষীয়ে আটক কৰে। ধৃত সৰবৰাহকাৰী জন বাক্সাৰ পূৱ জাখলি পাৰৰ ৰেজাউল ইছলাম। উল্লেখ্য যে কৰিমগঞ্জৰ পৰা অহা আদা ভৰ্তি ট্ৰাকত ১৭টা চাবোন কেচৰ ভিতৰত ড্ৰাগছ খিনি আনিছিল। উদ্ধাৰ কৰা ২০০ গ্ৰাম পৰিমাণৰ ড্ৰাগছ খিনিৰ আন্তৰ্জাতিক মূল্য প্ৰায় ১ কোটি ৪০ লাখহ’ব বুলি প্ৰশাসনে জানিব দিয়ে। গাড়ীখনৰ ড্ৰাইভাৰ শ্বাহ আলম আলী পলায়ন কৰা বুলি জানিব দিয়ে । ড্ৰাগছ খিনি কঢ়িয়াই অনা ট্ৰাক খনৰ নম্বৰ AS 15 AC5643 গোপন সূত্ৰ ভিত্তিত বাক্সা জিলাৰ শালবাৰী মহকুমা আৰক্ষী বিষয়া নিলোৎপল শইকীয়া আৰু শিমলাগুৰী আৰক্ষীয়ে তালাচী চলাই লোকজনক আটক কৰিবলৈ সক্ষম হয়।
প্ৰেৰক দীপাংকৰ বায়ন