নিয়মীয়া বাৰ্তা, ৩ জুলাই : বৰপেটাৰ কলগাছিয়া থানা তথা সৰভোগ বিদ্যুৎ উপ-সংমণ্ডলৰ অন্তৰ্গত নদিয়াপাৰা গাঁৱত আজি দুপৰীয়া সংঘটিত হয় এক মৰ্মান্তিক ঘটনা। বিদ্যুৎ বিভাগৰ হেমাহিৰ বাবেই এগৰাকী মহিলা প্ৰাণ হেৰুৱাব লগা হয়। জানিব পৰা মতে, নদীয়াপাৰা গাওঁৰ কুলছুম নেছা নামৰ এগৰাকী ৬৮ বছৰীয়া মহিলাই ঘৰৰ ওচৰত থকা নদীত গা ধুবলৈ গৈছিল। গা ধুই উভতি অহাৰ পথতে চিঙি থকা বিদ্যুৎ পৰিবাহী তাৰত বিদ্যুৎপৃষ্ঠ হৈ মৃত্যু মুখত পৰে মহিলাগৰাকী। ৰাইজৰ অভিযোগ বিদ্যুৎ পৰিবাহী তাৰ চিঙি থকাৰ খবৰ বিদ্যুৎ বিভাগক দিয়াৰ পিছতো কোনো গুৰুত্ব প্ৰদান কৰা নাছিল। ইফালে, উক্ত স্থানতে কেবাবাৰো বিদ্যুৎ পৰিবাহী তাৰ চিঙিছিল। অতি সোনকালে উক্ত পুৰণি তাৰসমূহ সলনি কৰি নতুন তাৰ লগাবলৈ বিভাগীয় কৰ্তৃপক্ষৰ ওচৰত দাবী জনায় ৰাইজে।
প্ৰেৰক মফিদুল ইছলাম