নিয়মীয়া বাৰ্তা, ৫ জুলাই : মৰিগাঁও জিলাৰ লাহৰীঘাটত ভয়ংকৰ অগ্নিকাণ্ড। লাহৰীঘাটৰ বগলিপাৰা গাঁৱত আজি দুপৰীয়া সংঘটিত হৈছে এই ভয়ংকৰ অগ্নিকাণ্ড। এই অগ্নিকাণ্ডত গাঁওখনৰ নুৰউদ্দিন নামৰ লোকজনৰ চাৰিটাকৈ বাসগৃহ সম্পূৰ্ণৰূপে ভস্মীভূত হয়। ইয়াৰ উপৰি জুইত ভস্মীভূত হৈছে নথি পত্ৰৰ লগতে তিনি লাখ টকাৰ সা সম্পত্তি। এই অগ্নিকাণ্ডৰ ফলত বিস্ফোৰণ হয় চাৰিটাকৈ গেছ চিলিণ্ডাৰ। অবশেষত স্থানীয় ৰাইজ আৰু অগ্নিনিৰ্বাপক বাহিনীৰ তৎপৰতাত অগ্নি নিৰ্বাপন কৰা হয়। বিদ্যুৎ শ্বট-চাৰ্কিউটৰ ফলত এই অগ্নিকাণ্ডৰ সূত্ৰপাত ঘটাৰ সন্দেহ কৰিছে স্থানীয় ৰাইজে।
প্ৰেৰক আবুল কালাম