নিয়মীয়া বাৰ্তা, ১৩ জুলাইঃ ৰাজ্যত আজিৰ দিনটোত প্ৰধানমন্ত্রীৰ আৱাস যোজনাৰ ৩ লাখ গৃহ প্ৰৱেশৰ কাৰ্যসূচীৰ শুভাৰম্ভ কৰে। ইয়াৰে অংশ হিচাপে বিটিচিৰ কোকৰাঝাৰ জিলাৰ অধিন ফকিৰাগ্ৰাম অজনজাতি সমষ্টিৰ চিথিলা ভিচিডিচিত প্ৰধানমন্ত্ৰী আৱাস যোজনা গৃহ প্ৰৱেশৰ শুভাৰম্ভ কৰে সমষ্টিৰ এমচিএলএ তথা বিটিচিৰ স্বাস্থ্য আৰু পৰিয়াল কল্যান বিভাগৰ ইএম অৰূপ কুমাৰ দেই। উক্ত অনুষ্ঠানত উপস্থিত থাকে বিজেপিৰ ফকিৰাগ্ৰাম মণ্ডল সভাপতি মনোজ কুমাৰ ৰায়ৰ লগতে চিথিলা ভিচিডিচিৰ অধ্যক্ষ কনকেশ্বৰ ৰায়, সুশান্ত সুত্ৰধৰ, জিআৰ এছ চন্দন ৰায় আদিয়ে। উল্লেখ যে আজি ইএমগৰাকীয়ে চিথিলা ভিচিডিচিৰ লগতে কেইবাটাও ভিচিডিচিত গৃহ প্ৰবেশ কাৰ্যসূচীত ভাগ লয় ।
প্ৰেৰক কৃষ্ণ বৰ্মন