নিয়মীয়া বাৰ্তা, ২৬ জুলাই : শোণিতপুৰৰ বালিপৰাত জৰাসৰ নৈৰ বানত বুৰিছে বিস্তীৰ্ণ অঞ্চল। আজি বালিপৰাৰ বিভিন্ন অঞ্চলত বান পৰিস্থিতিৰ বুজ লয় ৰঙাপৰাৰ বিধায়ক কৃষ্ণকমল তাঁতীয়ে। বিধায়কগৰাকীয়ে দলীয় সতীৰ্থক লগত লৈ ওপৰ ঢেকেৰী গাঁও, পানীপোতা, ভোবোলাগাঁও, বামগাঁও, দীঘলী গাঁও ইত্যাদি পৰিভ্ৰমণ কৰি বান পৰিস্থিতি বুজ লোৱাৰ লগতে বানপীড়িত ৰাইজৰ সৈতেও মত-বিনিময় কৰে। একেদৰে বানপীড়িত ৰাইজৰ বাবে বিধায়কগৰাকীয়ে খোৱাপানী আৰু খাদ্য সামগ্ৰীও বিতৰণ কৰা পৰিলক্ষিত হয়।
প্ৰেৰক প্ৰাঞ্জল বৰা