নিয়মীয়া বাৰ্তা, ৩ আগষ্টঃ নগৰবেৰাৰ শিমলীতোলা কামাৰপোতা হেপ্সাপাৰাত গোপন খৱৰৰ ভিত্তিত আৰক্ষীয়ে অভিযান চলাই আটক কৰিলে ড্ৰাগছ সৰবৰাহকাৰী এজন যুৱকক। গাঁওখনৰ বিল্লাল আলী নামৰ এজনৰ পুত্ৰ মিজানুৰ ৰহমান নামৰ যুৱকজনক আজি আবেলি আটক কৰে আৰক্ষীয়ে। শিমলীতোলা আৰক্ষী চকীৰ ভাৰপ্ৰাপ্ত বিষয়া মনোজ দাসৰ নেতৃত্বত নিজ গৃহৰ পৰাই আটক কৰা হয় ড্ৰাগছ সৰবৰাহকাৰী যুৱকজনক। প্ৰাপ্ত খৱৰ অনুসৰি দীৰ্ঘদিনৰে পৰা নৱাগত শিমলীতোলা অঞ্চলত মিজানুৰ ৰহমানে চলাই গৈছিল ড্ৰাগছৰ ৰমৰমীয়া কাৰবাৰ। আৰক্ষীয়ে চাৰিটাকৈ নিচাজাতীয় পাউদাৰৰ বাকচ আৰু মুঠ ১১৪টাকৈ ড্ৰাগছ ভৰ্ত্তি কণ্টেইনাৰ জব্দ কৰিবলৈ সক্ষম হয়। ড্ৰাগছ ব্যৱসায়ী যুৱক জনক জব্দকৃত সামগ্ৰী খিনিৰ সতে শিমলীতোলা আৰক্ষী চকীলৈ লৈ যায় আৰক্ষীয়ে, ড্ৰাগছৰ ঘাটি উৎখাত আৰু ব্যৱসায়ৰ মাষ্টাৰ মাইণ্ড আটকৰ বাতৰিয়ে চাঞ্চল্য বিয়পায় অঞ্চলজুৰি।
প্ৰেৰক সঞ্জীৱ কুমাৰ দাস