বিশেষ বাৰ্তা, ৩ আগষ্টঃ মাজুলীৰ আগশাৰীৰ উচ্চ শিক্ষানুষ্ঠান উজনি মাজুলী খেৰকটীয়া মহাবিদ্যালয়ে গৌৰৱোজ্জ্বল সোণালী জয়ন্তী বৰ্ষত ভৰি দিয়া উপলক্ষে উদযাপন সমিতিয়ে এখনি স্মৃতিগ্ৰন্থ প্ৰকাশ কৰিবৰ বাবে মনস্থ কৰিছে। উক্ত স্মৃতিগ্ৰন্থৰ বাবে স্মৃতিগ্ৰন্থ উপ-সমিতিৰ মুখ্য সম্পাদক ড০ বিউতি গগৈয়ে শুভাকাংক্ষীৰ পৰা লেখা আহ্বান কৰিছে। লেখাসমূহ মৌলিক হোৱাৰ লগতে ১৫০০ শব্দৰ অধিক হ’ব নোৱাৰিব বুলি জানিবলৈ দিছে। লেখাসমূহ ৩১ অক্টোবৰৰ ২০২৩ চনৰ ভিতৰত ‘উজনি মাজুলী খেৰকটীয়া মহাবিদ্যালয়ৰ সোণালী জয়ন্তী উদযাপন সমিতিৰ কার্যালয়লৈ পোনপটীয়াকৈ প্ৰেৰণ কৰিব পাৰিব অথবা [email protected] মেইলত অথবা ৮৬৩৮৭-৮২৯৬২ হোৱাট্এপ নাম্বাৰত প্ৰেৰণ কৰিব পাৰিব।