নিয়মীয়া বাৰ্তা, ১৬ ফেব্ৰুৱাৰীঃ ফিল্মফেয়াৰ বঁটা প্ৰদান অনুষ্ঠানক লৈ মায়াময় হৈ পৰা গুৱাহাটীত ভিৰ কৰিছে বলীউডৰ অগণন চেলিব্ৰেটিয়ে । শনিবাৰে অনুষ্ঠিত হৈ যোৱা বহু চৰ্চিত ফিল্মফেয়াৰৰ পাচতেই দেওবাৰে কামাখ্যাধামত ভিৰ কৰিছে অগণন অভিনেতা-অভিনেত্ৰীয়ে ।
দেওবাৰে দুপৰীয়া প্ৰায় ১২ বজাত কামাখ্যাধামত উপস্থিত হয় বলীউডৰ জনপ্ৰিয় অভিনেতাগৰাকী । সপত্নীক কামাখ্যাধামত উপস্থিত হৈ আশীষ গ্ৰহণ কৰে গোবিন্দাই । উল্লেখ্য যে, শনিবাৰে দুপৰীয়াৰ ভাগত ফিল্মফেয়াৰ বঁটা প্ৰদান অনুষ্ঠানৰ বাবে গুৱাহাটীত উপস্থিত হৈছিল গোবিন্দা ।