🔹 ট্ৰাকে মহটিয়ালে ৪খনকৈ বাইক
বিশেষ বাৰ্তা, ৩০ ছেপ্টেম্বৰ : মহানগৰীত এক ভয়ংকৰ পথ দুৰ্ঘটনা সংঘটিত হয়। মালিগাঁওস্থিত নীলাচল উৰণ সেতুত এই দুৰ্ঘটনা সংঘটিত হয় । তীব্ৰবেগী ট্ৰাকে মহটিয়াই নিলে ৪খনকৈ চলন্ত বাইক। দুৰ্ঘটনাত গুৰুতৰভাৱে আহত হয় বাইক আৰোহীকেইজন । ঘটনাস্থলীত জালুকবাৰী যান-বাহন আৰক্ষী উপস্থিত হৈ আহত লোককেইজনক ততাতৈয়াকৈ চিকিৎসালয়লৈ প্ৰেৰণ কৰে । উল্লেখ্য যে মুকলিৰ এমাহ পূৰ্তিৰ দিনাই নৱনিৰ্মিত নীলাচল উৰণ সেতুত এই অঘটন সংঘটিত হয়। তদুপৰি ট্ৰাকখনে উৰণ সেতুখনৰো বিস্তৰ ক্ষতিসাধন কৰে। দুৰ্ঘটনা সংঘটিত কৰি ঘটনাস্থলীৰ পৰা ট্ৰাকখনে পলায়ন কৰে।