বিশেষ বাৰ্তা, ৫ অক্টোবৰ : পাঁচ মাহ অতিক্রম কৰাৰ পিছতো মণিপুৰত অন্ত পৰা নাই হিংসা-সংঘর্ষ৷ মেইটেই জনগোষ্ঠীৰ দুই ছাত্র–ছাত্রীক অপহৰণ আৰু হত্যাৰ ঘটনাত কুকি জনজাতিৰ কেইবাজনো অভিযুক্তক গ্রেপ্তাৰ কৰাৰ পিছতে পুনৰ অগ্নিগর্ভ হৈ পৰিছে ইম্ফল উপত্যকা৷ আজি ৰাজধানী চহৰখনৰ সমীপৱর্তী অঞ্চলত নতুনকৈ সৃষ্টি হৈছে সংঘর্ষ৷ কেইবাটাও ঘৰ দুষ্কৃতিকাৰীয়ে জ্বলাই দিয়াৰ উপৰি আৰক্ষীৰ সৈতে সংঘর্ষত লিপ্ত হোৱা বুলি স্থানীয় সংবাদ মাধ্যমে সদৰী কৰিছে৷ দুই জনগোষ্ঠীৰ মাজত সংঘর্ষই নতুন মাত্রা লাভ কৰাৰ লগে লগে ঘটনাস্থলীত নিয়োগ কৰা হৈছে অতিৰিক্ত আৰক্ষী৷