নিয়মীয়া বাৰ্তা, ৯ অক্টোবৰঃ নগাঁৱৰ লাওখোৱা উন্নয়ন খণ্ডত আজি দিনজোৰা কাৰ্যসূচীৰে অনুষ্ঠিত কৰে অমৃত কলহ যাত্ৰা। উন্নয়ন খণ্ডটোৰ অন্তৰ্গত ১১টা গাঁও পঞ্চায়তৰ পৰা উন্নয়ন খণ্ড কাৰ্যালয়ত জমা দিয়ে অমৃত কলহ মাটি। মোৰ মাটি মোৰ দেশ শ্লোগানেৰে পদযাত্ৰা কৰি কাৰ্যালয়ত আহি সানমিহলি কৰে সকলো খিনি মাটি। এই যাত্ৰাত আহি উপস্থিত হয় অসম গণ পৰিষদৰ নগাঁও জিলা সভাপতি মণিমাধৱ মহন্ত আৰু নগাঁও বন সংমণ্ডল বিষয়াও। অসমৰ চৰকাৰ নিৰ্দেশ মৰ্মে ভাৰতৰ প্ৰধানমন্ত্ৰীৰ আহ্বানৰ প্ৰতি সঁহাৰি জনাই পালন কৰে অমৃত কলহ যাত্ৰাৰ তৃতীয়টো পৰ্যায়ৰ সফল সামৰিণ কৰে উন্নয়ন খণ্ডটোৱে।
প্ৰেৰক জহিৰুল ইছলাম