নিয়মীয়া বাৰ্তা, ৬ নৱেম্বৰ : গাঁৱে গাঁৱে এতিয়া দেখিবলৈ পোৱা গৈছে খেল মহাৰণৰ ব্যাপক উৎসাহ | নগৰবেৰা উঃ মাঃ বিদ্যালয়ত আজি অনুষ্ঠিত খেল মহাৰণক লৈ ব্যাপক সঁহাৰি দেখা যায় অঞ্চলটোৰ শিক্ষানুষ্ঠানসমূহৰ ভালেসংখ্যক ছাত্ৰ-ছাত্ৰীৰ মাজত | স্মৰ্তব্য যে নগৰবেৰাস্থ ছমৰীয়া উন্নয়ন খণ্ডৰ অধীনস্থ মুঠ ১৫খনকৈ গাঁও পঞ্চায়তত আয়োজন কৰা হৈছে খেল মহাৰণৰ কাৰ্যসূচী, খেলপথাৰত এক উৎসৱমুখৰ পৰিৱেশ বিৰাজ কৰে | দৌৰ, ফুটবল, ভলীবল, কাবাদী আদি বিভিন্ন খেলত অংশ ল’বলৈ সমাগম ঘটে বহু সম্ভাৱনাময় ছাত্ৰ-ছাত্ৰীৰ | সোমবাৰৰ পুৱাৰে পৰা অনুষ্ঠিত এই কাৰ্যসূচী সন্দৰ্ভত ছমৰীয়া উন্নয়ন খণ্ডৰ বিডিঅ’ দীপ্তকান্ত চমুৱাই অঞ্চলটোত বহু সম্ভাৱনাময় কিশোৰ বাছনি হোৱাৰ আশা ব্যক্ত কৰে |
প্ৰেৰক সঞ্জীৱ কুমাৰ দাস