বিশেষ বাৰ্তা, ৮ নৱেম্বৰঃ চলিত বছৰতে ন’বেল শান্তি বঁটাৰে সন্মানিত হৈছে ইৰানৰ নাৰী স্বাধীনতা আন্দোলনৰ নেত্রী নার্গিছ ছাফি মহম্মাদি৷ কাৰাগাৰত বন্দী থকা অৱস্থাতে ন’বেল শান্তি বঁটা লাভ কৰিছে মহম্মাদিয়ে৷ এইবাৰ কাৰাগাৰত অনশন আন্দোলন আৰম্ভ কৰিছে নাৰী স্বাধীনতা আন্দোলনৰ নেত্রীগৰাকীয়ে৷ কাৰাগাৰৰ বন্দীসকলৰ চিকিৎসাৰ ক্ষেত্রত ইৰান প্রশাসনৰ উদাসীনতা আৰু হিজাবক লৈ নিষেধাজ্ঞাৰ বিৰুদ্ধে এই অনশন আন্দোলন আৰম্ভ কৰিছে মহম্মাদিয়ে৷ কালিৰে পৰা মহম্মাদিয়ে কাৰাগাৰত অনশন আৰম্ভ কৰা বুলি সংবাদ মাধ্যমৰ সূত্রই সদৰী কৰিছে৷ লক্ষণীয়ভাৱে বর্তমান হাঁওফাঁও ৰোগত আক্রান্ত মহম্মাদিৰ কোনোধৰণৰ চিকিৎসা কৰা নাই কাৰাগাৰ কর্তৃপক্ষই৷
#বাৰ্তা ডেস্ক