🔹 টি–২০ত দুবাৰকৈ ৫টা উইকেট
বিশেষ বাৰ্তা, ১৫ ডিচেম্বৰ : টীম ইণ্ডিয়াৰ তাৰকা স্পিনাৰ কুলদীপ যাদৱে টি–২০ ক্রিকেটত এক অনন্য কৃতিত্ব অর্জন কৰিবলৈ সক্ষম হৈছে৷ জোহান্সবার্গত বৃহস্পতিবাৰে ঘৰুৱা দলটোৰে খেলা তৃতীয় তথা অন্তিমখন টি–২০ত পাঁচটাকৈ উইকেট দখল কৰে কুলদীপ যাদৱে৷ ইয়াৰ লগে লগে টি–২০ ক্রিকেটত দুবাৰকৈ পাঁচটা উইকেট দখল কৰা ভাৰতৰ দ্বিতীয় তথা প্রথমগৰাকী স্পিনাৰ হিচাপে নজিৰ গঢ়ে কুলদীপে৷ ইয়াৰ পূর্বে স্পিনাৰগৰাকীয়ে ২০১৮ চনত মানচেষ্টাৰত ইংলেণ্ডৰ বিপক্ষে পাঁচটা উইকেট লাভ কৰিছিল৷ ইফালে, কুলদীপৰ পূর্বে টি–২০ত দুবাৰকৈ পাঁচটা উইকেট দখল কৰা ভাৰতৰ প্রথমগৰাকী বলাৰ হ’ল ভুবনেশ্বৰ কুমাৰ৷ ভুবনেশ্বৰে ২০১৮ চনত জোহান্সবার্গত দক্ষিণ আফ্রিকা আৰু ২০২২ চনত ডুবাইত আফগানিস্তানৰ বিপক্ষে ৫টা উইকেট লাভ কৰিছিল৷