বিশেষ বাৰ্তা, ২০ ডিচেম্বৰঃ দেশত ড্ৰাগছ সৰবৰাহৰ বাবে বিভিন্ন পদ্ধতি ব্যৱহাৰ কৰে সৰবৰাহকাৰীয়ে। ৰাজহ চোৰাংচোৱা সঞ্চালকালয়ৰ মুম্বাইৰ বিষয়াসকলে উগাণ্ডাৰ এগৰাকী মহিলা নাগৰিকৰ জৰিয়তে চোৰাংচোৱাগিৰিৰ নতুন প্ৰচেষ্টাক বন্ধ কৰি দিছে। মহিলাগৰাকীয়ে এক অনন্য আৰু নতুন পদ্ধতি অৱলম্বন কৰি ড্ৰাগছ সৰবৰাহৰ চেষ্টা চলাইছিল। ইয়াৰ অধীনত উগাণ্ডাৰ পৰা অহা মহিলা ভ্ৰমণকাৰীয়ে গোপনে দেশখনলৈ ড্ৰাগছ আনিছিল। মহিলাগৰাকীয়ে পিন্ধা চুলিৰ উইগ আৰু ব্ৰা পেডৰ ভিতৰত লুকুৱাই ড্ৰাগছ সৰবৰাহ কৰিছিল যদিও ডি আৰ আইয়ে জব্দ কৰে। ড্ৰাগছ বলৱৎকাৰী সংস্থা হিচাপে ডি আৰ আইয়ে ড্ৰাগছ লুকুৱাই ৰখাৰ বহু পদ্ধতি ধৰা পেলাইছে। চেনিটেৰী পেডত ড্ৰাগছ লুকুৱাই ৰখা, হুইস্কিৰ বটলত লিকুইড কোকেইন, ব্লেক কোকেইন, মইশ্ব’ৰাইজাৰৰ বটলত কোকেইন ইত্যাদি চোৰাং ব্যৱসায়ৰ ভিতৰত আছে। একে সময়তে এইবাৰ ব্ৰা পেড আৰু চুলিৰ উইগৰ ভিতৰত ড্ৰাগছ লুকুৱাই ৰখাৰ গোচৰ এটা উগাণ্ডাৰ এগৰাকী মহিলাৰ জৰিয়তে পোহৰলৈ আহে। যি কৌশলৰ জৰিয়তে মহিলাগৰাকীয়ে ড্ৰাগছ সৰবৰাহ কৰিবলৈ চেষ্টা কৰিছিল, সেই কৌশলে ধৰিবলৈ অসুবিধাৰ সৃষ্টি কৰিছিল। ১৯ ডিচেম্বৰৰ পুৱাৰ ভাগত চলোৱা অভিযানত মুম্বাই মণ্ডল ইউনিটৰ ডি আৰ আইৰ বিষয়াসকলে উগাণ্ডাৰ এগৰাকী মহিলা যাত্ৰীৰ পৰা মুঠ ৮৯০ গ্ৰাম কোকেইন উদ্ধাৰ কৰে, যাৰ মূল্য অবৈধ বজাৰত প্ৰায় ৮.৯ কোটি টকা। এন ডি পি এছ আইন ১৯৮৫ৰ বিধান অনুসৰি জব্দ কৰা হৈছে নিষিদ্ধ পদাৰ্থটো। ইয়াৰ উপৰি যাত্ৰীজনক গ্ৰেপ্তাৰ কৰি ন্যায়িক জিম্মালৈ প্ৰেৰণ কৰা হয়।
#বাৰ্তা ডেস্ক