নিয়মীয়া বাৰ্তা, ২৬ ডিচেম্বৰ : ধুবুৰী জিলাৰ আগমনিৰ মৈচা গাঁৱত বন বিভাগে অভিযান চলাই এডাল কেঁকো সাপসহ এজনক আটক কৰে। যোৱানিশা আগমনি আৰক্ষী, সীমান্ত সুৰক্ষা বাহিনীৰ সহযোগত গাঁওখনৰ আনোৱাৰ হুছেইনৰ ঘৰত তালাচী চলাওঁতে ঘৰৰ গৰাকী হুছেইনে এটা মোনাত দুষ্প্ৰাপ্য সাপডাল লৈ পলাবলৈ ধৰোঁতে হাতে-লোটে আটক কৰে ছাগলীয়া আঞ্চলিক বন বিষয়া কবিন বৰা নেতৃত্বাধীন বন বিভাগৰ দলটোৱে । ১৬ ইঞ্চি দীঘল কেঁকো সাপডালৰ ওজন ২৫০ গ্ৰাম । উল্লেখ্য যে দীৰ্ঘদিনৰ পৰা আনোৱাৰ হুছেইনে দুষ্প্ৰাপ্য কেঁকোসাপৰ অবৈধ ব্যৱসায় কৰাৰ অভিযোগ উত্থাপন হৈছে।
প্ৰেৰক শ্যামল চন্দ্ৰ ৰয়