বিশেষ বাৰ্তা, ১ ফেব্ৰুৱাৰী : আজি মুখ্যমন্ত্ৰী ড০ হিমন্ত বিশ্ব শৰ্মাৰ ওপজা দিন। মুখ্যমন্ত্ৰী ড০ শৰ্মাই আজি ৫৫ বছৰত ভৰি দিলে। এই উপলক্ষে সমগ্ৰ ৰাজ্যত ড০ শৰ্মাৰ অনুৰাগীসকলে মুখ্যমন্ত্ৰীগৰাকীৰ ওপজা দিন পালন কৰি শুভেচ্ছা জ্ঞাপন কৰে। তদুপৰি বিভিন্নজন শুভাকাংক্ষীয়ে ওপজা দিনত নেদেখাজনৰ ওচৰত মুখ্যমন্ত্ৰীগৰাকীৰ সু-স্বাস্থ্য আৰু দীৰ্ঘায়ু কামনা কৰি প্ৰাৰ্থনা জনায়। ড০ শৰ্মাৰ জন্মদিন উপলক্ষে যোৱানিশাৰে পৰা দিছপুৰত থকা মুখ্যমন্ত্ৰীৰ বাসগৃহত যথেষ্ট অনুৰাগীয়ে ভিৰ কৰে । ৰাজ্যৰ বিভিন্ন প্ৰান্তৰ অনুৰাগীয়ে মুখ্যমন্ত্ৰীগৰাকীৰ ৫৫সংখ্যক ওপজা দিনত শুভেচ্ছাৰে ওপচালে।