নিয়মীয়া বাৰ্তা ডিজিটেল, ৭ ফেব্ৰুৱাৰীঃ আজি ৰাজ্যসভাত সংসদৰ বাজেট অধিৱেশনৰ আৰম্ভণিতে ৰাষ্ট্ৰপতি দ্ৰৌপদী মুৰ্মুৰ ভাষণত প্ৰত্যুত্তৰ দিয়ে প্ৰধানমন্ত্ৰী নৰেন্দ্ৰ মোদীয়ে। তেওঁ প্ৰথমে কংগ্ৰেছৰ সভাপতি মল্লিকাৰ্জুন খাৰ্গেৰ প্ৰতি বিশেষ কৃতজ্ঞতা প্ৰকাশ কৰাৰ পিছত কংগ্ৰেছক আক্ৰমণৰ লক্ষ্য কৰি লয়। কংগ্ৰেছ চৰকাৰে দেশৰ মাটি আন দেশক দিয়া বুলি অভিযোগ উত্থাপন কৰে প্ৰধানমন্ত্ৰী মোদীয়ে। তেওঁ কয় যে কংগ্ৰেছে গণতন্ত্ৰক সদায় ডিঙি চেপি ধৰিছে। প্ৰধানমন্ত্ৰী মোদীয়ে ৰাহুল গান্ধীকো টাৰ্গেট কৰি লয় আৰু লগতে দাবী কৰে যে এই লোকসভা নিৰ্বাচনত কংগ্ৰেছে ৪০খনতকৈ অধিক আসন নাপাব। কংগ্ৰেছৰ ওপৰত আক্ৰমণ তীব্ৰতৰ কৰি প্ৰধানমন্ত্ৰী মোদীয়ে কয় যে ক্ষমতাৰ লোভত গণতন্ত্ৰক ডিঙি চেপি ধৰিছে কংগ্ৰেছে। গণতান্ত্ৰিকভাৱে নিৰ্বাচিত চৰকাৰক বৰ্খাস্ত কৰা কংগ্ৰেছ, দেশৰ সংবিধান আৰু গণতন্ত্ৰৰ মৰ্যাদাক কাৰাবন্দী কৰি ৰখা কংগ্ৰেছ। কোনে বাতৰিকাকতত তলা মাৰিবলৈ চেষ্টা কৰিছিল। যি কংগ্ৰেছে দেশ ভাঙিবলৈ আখ্যান সৃষ্টিৰ আকৰ্ষণ গঢ়ি তুলিছিল। এতিয়া উত্তৰ আৰু দক্ষিণক বিভাজন কৰাৰ বক্তব্য দিয়া হৈছে। প্ৰধানমন্ত্ৰী মোদীয়ে কয়, “এই কংগ্ৰেছে আমাক গণতন্ত্ৰৰ ওপৰত বক্তৃতা প্ৰদান কৰিছে। আপোনালোকে ভাষাৰ নামত দেশক বিভাজিত কৰাৰ চেষ্টা কৰিছে। যিয়ে উত্তৰ-পূৰ্বাঞ্চলক আক্ৰমণ আৰু হিংসাৰ মাজলৈ ঠেলি দিছে। যিয়ে নক্সালবাদৰ বাবে দেশৰ বাবে প্ৰত্যাহ্বানৰ সৃষ্টি কৰিছে।” দেশৰ মাটি শত্ৰুৰ হাতত তুলি দিলে। দেশৰ সেনাবাহিনীৰ আধুনিকীকৰণ বন্ধ কৰিলে। আজি আপোনালোকে আমাক ৰাষ্ট্ৰীয় নিৰাপত্তাৰ ওপৰত বক্তৃতা দি আছে। যিটোৱে আমাক স্বাধীনতাৰ পিছৰে পৰা বিভ্ৰান্ত কৰি ৰাখিছে।” প্ৰধানমন্ত্ৰী মোদীয়ে কয় যে কংগ্ৰেছে ১০ বছৰত দেশক ১১ নম্বৰ স্থানলৈ আনিবলৈ সক্ষম হৈছিল। আমি ১০ বছৰত ৫ নম্বৰলৈ আনিলোঁ। এই কংগ্ৰেছে আমাক অৰ্থনৈতিক নীতিৰ ওপৰত বক্তৃতা প্ৰদান কৰিছে। সাধাৰণ শ্ৰেণীৰ অন্তৰ্গত দুখীয়াক কোনেও কেতিয়াও সংৰক্ষণ নিদিলে।