নিয়মীয়া বাৰ্তা ডিজিটেল, ১৮ ফেব্ৰুৱাৰীঃ ৰাজকোট টেষ্টত শোচনীয় পৰাজয়ৰ সন্মুখীন হল ইংলেণ্ড। ভাৰতে বান্ধি দিয়া ৫৫৭ ৰানৰ লক্ষ্য অনুসৰণ কৰিবলৈ আহি ইংলেণ্ডে মাত্ৰ ১২২ ৰানহে কৰিবলৈ সক্ষম হয়। ফলত ভাৰতীয় দলটোৱে ৪৩৪ ৰানত বিজয় সাব্যস্ত কৰে। ভাৰতৰ এই জয়ৰ মূলতে জাদেজাৰ দুৰ্দান্ত বলিং। তেওঁ পাঁচটা উইকেট দখল কৰে। লগতে কুলদীপে দুটা, বুমৰাহ আৰু অশ্বিনে এটাকৈ উইকেট দখল কৰে। ইংলেণ্ডৰ হৈ উডে সৰ্বাধিক ৩৩ ৰান কৰে। বাকী সকলো বটেছমেন ব্যৰ্থ হয়। এই জয়েৰে পাঁচখনীয়া টেষ্ট শৃংখলাত ভাৰতে ২-১ৰ অগ্ৰগতি লাভ কৰিলে।