নিয়মীয়া বাৰ্তা, ৬ মাৰ্চঃ দৰঙৰ বুঢ়া আৰক্ষী চকীৰ অন্তৰ্গত খটৰা গাঁৱৰ ভবেশ ডেকা (৪০) নামৰ এক সন্তানৰ পিতৃ এগৰাকী যোৱা ৪ মাৰ্চৰ পৰা নিখোজ হৈ থকাত পৰিয়ালটোৰ মাজত হাহাকাৰ পৰিৱেশৰ সৃষ্টি হয়। এই লৈ পৰিয়াল আৰু গাঁওবাসীয়ে বিচাৰ-খোঁচাৰ অব্যাহত ৰাখিছে যদিও কোনো শুংসূত্ৰ নাপাই বুঢ়া আৰক্ষী চকীত এজাহাৰ দাখিল কৰে । পৰিয়ালৰ সূত্ৰ অনুসৰি যোৱা বছৰত ব্ৰেইন টিউমাৰ অপাৰেচন কৰি ক্ৰমাৎ সুস্থ হোৱা ভৱেশ নামৰ যুৱকজনে যোৱা ৪ মাৰ্চত পত্নীৰ সৈতে দিপীলালৈ গৈ গ্ৰামীণ বিকাশ বেংকত টকা উলিয়াই পত্নীৰ হাতত জমা দিয়েই অন্তৰ্ধান হয়। পিন্ধনত পেণ্ট চাৰ্ট আৰু টুপি পিন্ধি ওলাই গৈছিল যুৱকজন ।এটি দহ বছৰীয়া কন্যা সন্তান, পত্নী আৰু মাতৃক এৰি ৰোগাক্ৰান্ত ভবেশ কলৈ গ’ল এই লৈ গাঁওখনত হাহাকাৰ লাগে। আজি তিনি দিন ধৰি আত্মীয়-স্বজন আৰু গাঁওবাসীয়ে বিচাৰ-খোঁচাৰ কৰি চলাথ কৰিছে যদিও এই পৰ্যন্ত একো খবৰ পোৱা নাই । সেয়ে সদাশয় লোকে খবৰ পালে 6000525551 নম্বৰত যোগাযোগ কৰিবলৈ আহ্বান জনাইছে ।
প্ৰেৰক চক্ৰধৰ ডেকা