নিয়মীয়া বাৰ্তা, ৮ মাৰ্চ : দৰঙৰ দলগাঁও থানাৰ অন্তৰ্গত ওৰাং ৰাষ্ট্ৰীয় উদ্যানত আজি এজন চোৰাং চিকাৰী আটক কৰিবলৈ সক্ষম হয়। প্ৰাপ্ত তথ্য মতে উদ্যানখনৰ বনকৰ্মী আৰু দলগাঁও আৰক্ষীয়ে যৌথ অভিযান চলাই খজুৱাবিল গাঁৱৰ পৰা আটক কৰে মহিদুল ইছলাম নামৰ চোৰাং চিকাৰীজনক। দীৰ্ঘদিনৰ পৰা চিকাৰীজনে চিকাৰ কৰি আহিছিলে ওৰাং ৰাষ্ট্ৰীয় উদ্যানত। ওৰাং ৰাষ্ট্ৰীয় উদ্যানৰ পৰা ওলাই অহা হৰিণা লগতে বিভিন্ন জীৱ-জন্তু হত্যা কৰি মাংস বিক্রী কৰিছিল চিকাৰীজনে। অৱশেষত আটক কৰিবলৈ সক্ষম হৈছে বনকৰ্মী আৰু দলগাঁও আৰক্ষীয়ে।
প্ৰেৰক আব্দুচ ছামাদ