নিয়মীয়া বাৰ্তা ডিজিটেল, ৩১ জুলাইঃ আমেৰিকাৰ ৰাষ্ট্রপতি নির্বাচনৰ পৰা জ’ বাইডেনে নিজৰ নাম প্রত্যাহাৰ কৰাৰ পাছত কমলা হেৰিছক ডেম’ক্রেটিক দলৰ ৰাষ্ট্রপতি পদৰ প্রার্থী হিচাপে বিচাৰে সাহিত্যিক ছলমান ৰুশ্বডিয়ে৷ বাইডেনৰ বিকল্পক লৈ ইতিমধ্যে ডেম’ক্রেটিক দলৰ মাজত আৰম্ভ হৈছে চর্চা৷ আমেৰিকাৰ বর্তমানৰ উপ–ৰাষ্ট্রপতি কমলা হেৰিছকেই ডেম’ক্রেটিক দলৰ অধিকসংখ্যক নেতা–কর্মীয়ে ৰাষ্ট্রপতি নির্বাচনৰ প্রার্থী হিচাপে বিচাৰে বুলি বিভিন্ন সমীক্ষাত প্রকাশ পাইছে৷ ইতিমধ্যে প্রাক্তন ৰাষ্ট্রপতি বাৰাক অ’বামা আৰু তেওঁৰ পত্নী মিচেল অ’বামায়ো কমলা হেৰিছক সমর্থন জনাইছে৷ অৱশ্যে ডেম’ক্রেটিক দলে আনুষ্ঠানিকভাৱে কমলা হেৰিছৰ নাম ৰাষ্ট্রপতি নির্বাচনৰ প্রার্থী হিচাপে ঘোষণা কৰা নাই৷ ডেম’ক্রেটিক দলৰ অধিৱেশনত এই সন্দর্ভত সিদ্ধান্ত গ্রহণ কৰা হ’ব৷ ইয়াৰ মাজতে ছলমান ৰুশ্বডিয়ে কমলা হেৰিছক সমর্থন জনোৱাটো তাৎপর্যপূর্ণ৷