নিয়মীয়া বাৰ্তা, ২৯ অক্টোবৰ : ৰাষ্ট্ৰীয় একতা দিৱস উপলক্ষে মাৰ্ঘেৰিটা আৰক্ষী থানাৰ গাঁওৰক্ষী বাহিনী আৰু নাগৰিক সমিতিৰ সৌজন্যত আজি পুৱা সামূহিক দৌৰ মাৰ্ঘেৰিটাত অনুষ্ঠিত হয় । ২নং আলুবাৰীৰ পৰা উচ্চতৰ মাধ্যমিক বিদ্যালয় খেলপথাৰলৈকে অনুষ্ঠিত এই দৌৰ প্ৰতিযোগিতাত পুৰুষ শাখাত প্ৰথম অৰূপ গগৈ, দ্বিতীয়, জয়ন্ত নেওগ আৰু তৃতীয় কৰ্ণ প্ৰসাদ ৰায়। মহিলা শাখাত প্ৰথম বাসন্তী সিং, দ্বিতীয় গীতাঞ্জলি শইকীয়া, তৃতীয় দেৱীকা সোণোৱাল আৰু পাৰিজাত দিহিঙীয়া। এই প্ৰতিযোগিতাখন আনুষ্ঠানিকভাৱে উদ্বোধন কৰে মাৰ্ঘেৰিটা সমজিলা আৰক্ষী বিষয়া দীনেশ প্ৰতাপ সিং ৰাথোৰৰ লগতে উপস্থিত থাকে মাৰ্ঘেৰিটা সমজিলাৰ আৰক্ষী থানাৰ ভাৰপ্ৰাপ্ত আৰক্ষী বিষয়া প্ৰতাপ গগৈ।
প্ৰেৰক মানস প্ৰতিম গগৈ