বিশেষ বাৰ্তা, ১৫ নৱেম্বৰ : নলবাৰীৰ দৰে সৰু চহৰ এখনত এটা বৃহৎ আৰ্ট গেলাৰীৰ স্থাপনৰে নলবাৰীৰ নাম উজ্বলোৱাৰ পৰিকল্পনা কৰিছে মেধাৱী যুৱতী এগৰাকীয়ে। নলবাৰী চহৰৰ সমীপৰ বালিকৰিয়াৰ মেধাৱী যুৱতী, এয়াৰটেলৰ প্ৰাক্তন অভিযন্তা উপাসনা শৰ্মাই জিলাখনৰ বাবে কঢ়িয়াই আনিলে গৌৰৱ। মেধাৱী যুৱতীগৰাকীয়ে শিক্ষাৰ লগতে নিজস্ব প্ৰতিভাৰে কঢ়িয়াইছে গৌৰৱ।আজি মেধাৱী যুৱতী উপাসনাই নলবাৰী মহাবিদ্যালত এখন আৰ্ট প্ৰদৰ্শনী অনুষ্ঠিত কৰে। ভাৰতৰ বিভিন্ন ৰাজ্যৰ পৰা অহা বিশিষ্ট চিত্ৰ শিল্পী সকলৰ উপস্থিতিত অনুষ্ঠিত আৰ্ট গেলাৰী পৰিদৰ্শন কৰে জিলা আয়ুক্ত বৰ্ণালী ডেকাই। আনহাতে ভৱিষ্যতে আজিৰ প্ৰজন্মক উৎসাহিত কৰাৰ বাবে নলবাৰীত বৃহৎ এটা আৰ্ট গেলাৰী স্থাপন কৰাৰ পৰিকল্পনা আৰু লক্ষ্য আছে উপাসনাৰ। আনপিনে উপাসনাৰ আৰ্ট গেলাৰীত ভাৰতৰ বিদগ্ধ কলা-নিৰ্দেশকৰ ছবি বিৰাজমান। প্ৰতিখন ছবি প্ৰত্যক্ষ কৰি অভিভূত হৈ পৰিল জিলা আয়ুক্ত বৰ্ণালী ডেকাৰ লগতে উপস্থিত প্ৰতিগৰাকী লোক।উপাসনাৰ পদক্ষেপকলৈ গৌৰৱান্দিত নলবৰীয়া ৰাইজ।
প্ৰেৰক অৰূপ ৰঞ্জন বৰ্মন