🔹 সাত আৰোহীৰ পাঁচগৰাকীৰ থিতাতে প্ৰাণহানি
নিয়মীয়া বাৰ্তা, ২৩ নৱেম্বৰ : বজালীৰ ভৱানীপুৰত এক ভয়াৱহ দুৰ্ঘটনা সংঘটিত হয় ৷ ট্ৰাক আৰু মাৰুতি ভানৰ মুখামুখি সংঘৰ্ষত নিহত হয় পাঁচগৰাকী ব্যক্তি ৷ যোৱানিশা প্ৰায় দুই বজাত নলবাৰীৰ পৰা ৰাস উপভোগ কৰি বৰপেটালৈ ওভতাৰ পথত ভৱানীপুৰ আঞ্চলিক মহাবিদ্যালয়ৰ সন্মুখত একে দিশৰ পৰা গৈ থকা ট্ৰাকত প্ৰচণ্ড খুন্দা মাৰে মাৰুতি ভান এখনে৷ ঘটনাস্থলীত ভানখনত থকা সাতগৰাকী আৰোহীৰ পাঁচগৰাকী ক্ৰমে আচিচ হাবিব খান, মিজাউৰ ৰহমান, ৰয়েল খান, মইৰুল হক আৰু মিজানুৰ নিহত হয় ৷ সংকটজনক অৱস্থাত আন আহত দুজনক বৰপেটা চিকিৎসা মহাবিদ্যালয় হাস্পতালত চিকিৎসাধীন কৰোৱা হয়৷
প্ৰেৰক কল্যাণ কলিতা