নিয়মীয়া বাৰ্তা, ২৩ নৱেম্বৰ : জোনাইৰ উদয়পুৰত বৃহস্পতিবাৰে সন্ধিয়া দুই সন্দেহযুক্ত ড্ৰাগছ সৰবৰাহকাৰীক জোনাই আৰক্ষীয়ে আটক কৰে। আটকাধীন সন্দেহযুক্ত ড্ৰাগছ সৰবৰাহকাৰী দুজন জোনাইৰ উদয়পুৰৰ উৎপল সোণোৱাল আৰু লেকু জেলম গাঁৱৰ বসন্ত পেগু বুলি জানিব পৰা গৈছে। জানিব পৰা মতে, জোনাই আৰক্ষীয়ে বিশেষ সূত্ৰে জানিব পাৰি বৃহস্পতিবাৰে সন্ধিয়া ড্ৰাগছৰ বিৰুদ্ধে অভিযান চলাই উদয়পুৰৰ পৰা আটক কৰে এই দুই সন্দেহযুক্ত ড্ৰাগছ সৰবৰাহকাৰীক। আটকাধীন সন্দেহযুক্ত ড্ৰাগছ সৰবৰাহকাৰী দুজনৰ পৰা প্ৰায় ১১ গ্ৰাম সন্দেহযুক্ত ড্ৰাগছসহ AR-09D-6091 নম্বৰৰ এখন কিয়া বাহন আৰক্ষীয়ে জব্দ কৰে। ইতিমধ্যে সন্দেহযুক্ত ড্ৰাগছ সৰবৰাহকাৰী দুজনক জোনাই আৰক্ষীয়ে ন্যায়িক দণ্ডাধীশৰ আদালতলৈ প্ৰেৰণ কৰাৰ পিছত জে’ল-হাজোতলৈ প্ৰেৰণ কৰা বুলি জানিব পৰা গৈছে।
প্ৰেৰক কৰবী দলে