বিশেষ বাৰ্তা, ১২ ডিচেম্বৰ : আজি পুৱতি নিশা সোণাৰি নগৰত সংঘটিত হয় এক ভয়াৱহ পথ দুৰ্ঘটনাত এখন বিলাসী বাহন সম্পূৰ্ণ বিধ্বস্ত হোৱাৰ লগতে গাড়ীখনত থকা দুজনকৈ লোক গুৰুত্বভাৱে আহত হয়। ঘটনাৰ বিৱৰণী মতে পুৱতিনিশা প্ৰায় ৩ বজাত শিৱসাগৰ ফালৰ পৰা সোণাৰি নগৰলৈ আহি থকা অৱস্থাত নগৰখনৰ ঐতিহাসিক বৰপুখুৰীৰ সমীপত ধোদৰ আলিত তীব্ৰ বেগেৰে অহা AS06 S 0882 নম্বৰৰ হোণ্ডাৰ ক্ৰেটা বাহনখনে নিয়ন্ত্ৰণ হেৰুৱাই এটা বৈদ্যুতিক খুঁটাত খুন্দিয়াৰ ফলত গাড়ীখন কেইবাপাক লুটি খাই পথৰ দাঁতিতে পৰে। ঘটনাটোত গাড়ীখনৰ চালক আৰু লগত অহা এজন আৰোহী গুৰুতৰ ভাৱে আহত হয়। ইফালে গাড়ীখন পুৱা অভয়পুৰ আৰক্ষীয়ে জব্দ কৰি আৰক্ষী চকীলৈ লৈ যায়।
প্ৰেৰক দীপাংকৰ পাল