নিয়মীয়া বাৰ্তা ডিজিটেল, ১২ ডিচেম্বৰঃ অব্যাহত স্পেচিয়েল টাস্ক ফৰ্চৰ (এছটিএফ) মাৰাথন অভিযান। এই অভিযানৰ অংশস্বৰূপে মহানগৰীত এক ডাঙৰ সফলতা লাভ কৰে এছটিএফে। সেই অনুসৰি এছটিএফে মহানগৰী গুৱাহাটীৰ আইএছবিটি বেতকুছিক ২ কোটি টকা মূল্যৰ ড্ৰাগছ ধৰিবলৈ সক্ষম হয়। জব্দকৃত সামগ্ৰীসমূহৰ ভিতৰত আছে ২৩৯.৫ গ্ৰাম হেৰোইন থকা ১৯টা চাবোন বাকচ আৰু এটা মবাইল ফোন। এই সন্দৰ্ভত এজন ব্যক্তিক আটক কৰি আইনী ব্যৱস্থা অব্যাহত ৰাখিছে।