🔹 কেঁচা তামোলৰ লগত লুকুৱাই আনিছিল বৃহৎ পৰিমাণৰ ড্ৰাগছ
নিয়মীয়া বাৰ্তা, ১৩ ডিচেম্বৰ : ৰূপহীহাটত ড্ৰাগছৰ বিৰুদ্ধে আৰক্ষীৰ অভিযান অব্যাহত আছে৷ ৰূপহীহাট আৰক্ষীয়ে আজি পুৱা এক গোপন সূত্ৰৰ পম খেদি তামুলীটোপত ড্ৰাগছৰ বিৰুদ্ধে চলায় এক অভিযান ৷ আৰক্ষীৰ অভিযানত ১১০টা ড্ৰাগছভৰ্তি কন্টেইনাৰৰ সৈতে আটক কৰে দুই সৰবৰাহকাৰীক ৷ ধৃত সৰবৰাহকাৰী দুটা ইয়াচিন আলী আৰু চান আলী ৷ আৰক্ষীয়ে জব্দ কৰা ড্ৰাগছখিনিৰ ওজন ১৬৫·৭৭ গ্ৰাম ৷ ড্ৰাগছ সৰবৰাহকাৰী দুটাই যোৰহাটৰ পৰা এ এছ-০৩ বিচি-৫৬০৪ নম্বৰৰ বলেৰো পিকআপ বাহনত অনা কেঁচা তামোলৰ লগত লুকুৱাই আনিছিল ড্ৰাগছখিনি ৷ ধৃত সৰবৰাহকাৰী দুটাক ৰূপহীহাট আৰক্ষীয়ে অধিক তথ্যৰ বাবে জেৰা অব্যাহত ৰাখিছে ৷
প্ৰেৰক জহিৰুল ইছলাম