বাৰ্তা ব্যুৰো, ১৪ ডিচেম্বৰঃ বিশিষ্ট নাট্যকৰ্মী প্ৰয়াত শুক্ৰাচাৰ্য ৰাভাই প্ৰাণ প্ৰতিষ্ঠা কৰা গোৱালপাৰা জিলাৰ ৰামপুৰৰ বাদুংদুপ্পা কলা কেন্দ্ৰত কাইলৈৰ পৰা আৰম্ভ হব নাট সমাৰোহ আণ্ডাৰ দ্য শাল ট্রী ২০২৪। প্ৰয়াত শুক্ৰাচাৰ্য ৰাভাৰ ধাৰা অব্যাহত ৰাখি তেওঁৰ পত্নী ছিনা ৰাভা আৰু তেওঁৰ শিষ্যসকলে পূৰ্বৰ দৰেই প্ৰাকৃতিক পৰিবেশক প্ৰাধান্য দি অনুষ্ঠিত কৰিছে নাট সমাৰোহ। তিনিদিনীয়াকৈ হবলগীয়া নাট সমাৰোহ উপলক্ষে উদুলি মুদূলি হৈ পৰিছে বাদুংদুপ্পা কলা কেন্দ্ৰৰ বাকৰি। এইবেলি দেশৰ কেবাখন ৰাজ্যৰ লগতে শিল্পীসকলে আন্তৰ্জাতিক নাট সমাৰোহত মঞ্চস্থ কৰিব নাট। বাদুংদুল্লা কলাকেন্দ্রৰ ‘আণ্ডাৰ দ্য শাল স্ত্রী’ নাট্য মহোৎসৱৰ ২৫সংখ্যক সংস্কৰণৰ ৰূপালী জয়ন্তী বর্ষ আজিৰে পৰা তিনিদিনীয়াকৈ অনুষ্ঠিত হব। পৰিবেশঅনুকূল ব্যৱস্থাপনা আৰু আন্তঃৰাষ্ট্ৰীয় স্বীকৃতিৰ বাবে পৰিচিত এই মহোৎসব কাইলৈৰ অহা পৰা অহা ১৭ ডিচেম্বৰলৈকে অনুষ্ঠিত হ’ব৷ উল্লেখযোগ্য যে বাদোংদুপ্পা কলা কেন্দ্ৰই প্রতি বছৰে অনুষ্ঠিত কৰা নাট সমাৰোহত নাথাকে কৃত্ৰিমতা। ইয়াৰ বিপৰীতে থলুৱা বাদ্যযন্ত্ৰক প্ৰাধান্য দি বৈদ্যুতিক পোহৰ, মাইক, স্পার্ক, আদি অবিহনে শালনীৰ মাজত মাটিৰ মঞ্চত মঞ্চস্থ কৰা হয় নাটক। প্রখ্যাত চিত্রশিল্পী ৰবিৰাম ব্রহ্মাই কাইলৈ পুৱা ৯ বজাত আন্তৰাষ্ট্ৰীয় নাট সমাৰোহত আনুষ্ঠানিকভাৱে শুভাৰম্ভ কৰাৰ পাছতে ধনঞ্জয় ৰাভাৰ পৰিচালনা আৰু নাট্যকাৰ মদন ৰাভাৰ দাদন বাজা (বাভা) মঞ্চস্থ কৰা হ’ব। বিয়লি পবিত্ৰ ৰাভাৰ দ্বাৰা পৰিচালিত আৰু দাপোন দ্য মিৰ’ৰ দ্বাৰা পৰিৱেশিত মংগলী (বড়ো) মঞ্চস্থ কৰা হ’ব। ১৬ ডিচেম্বৰত চেন্নাইৰ পাৰ্চ থিয়েটাৰৰ ৰাজীৱ কৃষ্ণনৰ পৰিচালিত তামিল নাট কিন্ধন চাৰিথিৰম মঞ্চস্থ হ’ব, তাৰ পিছত কলকাতাৰ অনুচিন্তন আর্ট চেণ্টাৰৰ ড° গৌৰৱ দাসৰ পৰিচালনাত কিষাণ ৰাজ (হিন্দী) মঞ্চস্থ হ’ব। অন্তিম দিনা অর্থাৎ ১৭ ডিচেম্বৰত, ৰাভা লোক-প্রদর্শনেৰে অনুষ্ঠান আৰম্ভ হ’ব আৰু বাদুংদুগ্গা কলাকেন্দ্ৰৰ ২৫ বছৰীয়া যাত্ৰাৰ ওপৰত এক মুকলি আলোচনাৰে সামৰণি পৰিব। প্রতিটো সন্ধিয়াৰ প্ৰদৰ্শনৰ পিছত একুৰা জুই ধৰি তাৰ চাৰিওফালে আলোচনা কার্যসূচী অনুষ্ঠিত কৰা হ’ব, যাৰ জৰিয়তে দর্শক, শিল্পী তথা বিদ্বান ব্যক্তিসকলৰ মাজত কলাত্মক আদান-প্রদানৰ পোষকতা কৰা হ’ব। এই মহোৎসৱত শিল্প আৰুবহনক্ষমতাক একত্রিত কৰা প্রয়াত শুক্রাচার্য ৰাভাই প্রবর্তন কৰা পৰিচ্ছন্ন নাটৰ বিশিষ্ট ধাৰণাকো স্মৰণ কৰা হ’ব। বিগত কেইবাবছৰো ধৰি এই মহোৎসবে সমগ্র ভাৰতৰ লগতে দক্ষিণ কোৰিয়া, ব্রাজিল, পোলেও, শ্রীলংকা, বাংলাদেশৰ দৰে দেশৰ নাট্যগোষ্ঠীক আদৰণি জনাই বিশ্বজুৰি স্বীকৃতি লাভ কৰিছে। ৰূপালী জয়ন্তী উদ্যাপনৰ অংশ হিচাপে বাদুংদুপ্পা প্রকাশনে নিজৰ উল্লেখযোগ্য যাত্রা নথিভুক্ত কৰি কেইবাখনো গ্রন্থ মুকলি কৰাৰ প্রস্তুতি চলাইছে ৷
প্ৰেৰক উদিত নাৰায়ণ কলিতা