নিয়মীয়া বাৰ্তা ডিজিটেল, ১৬ জানুৱাৰীঃ ধিঙৰ চমুৱা গাঁৱত উত্তপ্ত পৰিস্থিতি। শ শ লোকে টায়াৰ জ্বলাই ধিং নগাঁও সংযোগী গড়কাপ্তানী পথ বন্ধ কৰি উত্তাল প্ৰতিবাদ সাব্যস্ত কৰে। ঘটনাৰ বিৱৰণী মতে এখন চাৰিচকীয়া বাহনে দুজন ব্যক্তিক খুন্দা মৰাৰ পিছতেই এই উত্তপ্ত পৰিস্থিতিৰ সৃষ্টি হয়। ইফালে দুৰ্ঘটনা সংঘটিত কৰিয়েই পলায়ন কৰে চাৰিচকীয়া বাহনখনে। আঘাতপ্ৰাপ্ত ব্যক্তি দুজন ক্ৰমে হবিবুৰ ৰহমান আৰু এজনৰ পৰিচয় উদ্ধাৰ হোৱা নাই যদিও সংকটজনক অৱস্থাত নগাঁৱলৈ প্ৰেৰণ কৰে দুয়োকে। চমুৱা গাঁৱৰ একে স্থানতে এটা সপ্তাহতে সংঘটিত দূৰ্ঘটনাত দুজন ব্যক্তিৰ মৃত্যু হৈছে। দুৰ্ঘটনা সংঘটিত কৰা বাহনখনৰ নম্বৰ AS 01A G5124। এল্ট’ বাহনখন ধিঙৰ ধূপগুৰিত ৰাইজে ভাঙি চূৰমাৰ কৰে। পিছত আৰক্ষীয়ে বাহনখন থানালৈ লৈ যায়।