নিয়মীয়া বাৰ্তা ডিজিটেল, ১৭ জানুৱাৰীঃ অৰণ্যৰ মাজত থকা নিজৰ সন্তানৰ বাবে মুখত চিকাৰ লৈ যোৱাৰ বাঘিনীৰ বিৰল দৃশ্য কেমেৰাত বন্দী হল কাজিৰঙা ৰাষ্ট্ৰীয় উদ্যানত। উল্লেখযোগ্য যে কেইদিনমানৰ পূৰ্বে তিনিটা কণমানি পোৱালিৰ সৈতে ৰাষ্ট্ৰীয় উদ্যানখনত দেখা পোৱা গৈছিল বাঘিনীক। এইবাৰ মুখত এটা হৰিণাৰ পোৱালি লৈ সন্তান তিনিটাৰ বাবে লৈ যোৱাৰ এই বিৰল দৃশ্য নিজৰ কেমেৰাত বন্দী কৰিবলৈ সক্ষম হল স্থানীয় যুৱক তথা টুৰিষ্ট গাইড শিশুকান্ত নাথে। ৰাষ্ট্ৰীয় উদ্যানখনৰ কাঠপাৰা এলেকাত মহাৰাষ্ট্ৰৰ পয্যটকক এই বিৰল দৃশ্য দেখুৱাবলৈ সক্ষম হয় যুৱকজনে। ঘাঁহনিত চিকাৰ কৰাৰ পৰা বিলৰ পানী ফালি মুখত চিকাৰ লৈ সন্তানৰ ওচৰলৈ গৈ থকাৰ সেই ১৪ মিনিট সময়ৰ দৃশ্য উপভোগ কৰি আপ্লুত হল পয্যটকৰ দলটো।
এই লিংকটোত ক্লিক কৰি চাব পাৰে- https://fb.watch/x9JtTNur4R/