নিয়মীয়া বার্তা, ১৬ মার্চঃ সমগ্ৰ বিশ্বতে ত্ৰাস সৃষ্টি কৰা ক’ৰোনা ভাইৰাছৰ আতংৰ পাছতে ভাৰতৰ লগতে অসমটো মাস্ক আৰু ছেনিটাইজাৰৰ চাহিদা বৃদ্ধি পাইছে । কিন্তু পৰ্যাপ্ত পৰিমানে ফাৰ্মাচী বা বজাৰসমূহত মাস্ক আৰু ছেনিটাইজাৰ উপলব্ধ নোহোৱাত এতিয়া হাহাকাৰ কৰিবলগীয়া হৈছে সাধাৰণ ৰাইজে ।
ইফালে বজাৰৰ এনে ব্যয়বহুল মাস্ক ভিতৰুৱা অঞ্চলৰ লোকে ক্ৰয় কৰিব নোৱাৰাৰ উপৰিও বৰ্তমান মাস্কৰ নাটনিৰ বাবে গহপুৰত অন্য এক পদ্ধতি ব্যৱহাৰ কৰা হৈছে ৷ ক’ৰোনা ভাইৰাছৰ বাবে গামোচাৰ জড়িয়তে মাস্ক বনোৱাত ব্যস্ত হৈ পৰিছে গহপুৰৰ ডাঠকলা ফনিন্দ্ৰ প্ৰধান নামৰ লোকজন ৷
ইতিমধ্যে বহু মাস্ক মেচিনেৰে চিলাই সেইসমূহ ডেটল পানীৰে পৰিস্কাৰকে ধুই শুকুৱাই মুখত পিন্ধিব পৰাকৈ তৈয়াৰ কৰিছে লোকজনে ৷ এনেধৰণে দিনে নিশাই মাস্ক বনোৱাত ব্যস্ত হৈ থকা ফনিন্দ্ৰ প্ৰধানে একোখন মাস্ক বহু কম দামত বিক্ৰী কৰিছে ৷ যাৰ বাবে অঞ্চলটোৰ লগতে ৰাজ্য বিভিন্ন প্ৰান্তত এই মাস্কে সমাদৰ লাভ কৰিবলৈ সক্ষম হৈছে ।