নিয়মীয়া বাৰ্তা, ২৪ মার্চঃ নাটকীয় ঘটনাৰ মাজেৰে মধ্যপ্রদেশত পুনৰ ক্ষমতালৈ আহিল বিজেপি ৷ সোমবাৰে দলটোৰ নেতা শিৱৰাজ সিং চৌহানে ৰাজ্যখনৰ মুখ্যমন্ত্রী হিচাপে শপতগ্রহণ কৰে ৷ নিশা ৯ বজাত ৰাজ্যপাল লালজী টেণ্ডনে ৰাজভৱনত চৌহানক শপতবাক্য পাঠ কৰোৱায় ৷ ইয়াৰ পূর্বে বিজেপি নেতাজনক বিধায়িনী দলটোৰ নেতা হিচাপে দলটোৱে নির্বাচন কৰে ৷ উল্লেখ্য যে জ্যোতিৰাদিত্য সিন্ধিয়াই দলত্যাগ কৰাৰ পাছত তেওঁৰ সমর্থনত ৬ মন্ত্রীসহ ২২জন বিধায়কে পদত্যাগ কৰাৰ পাছত সংখ্যাগৰিষ্ঠতা হেৰুৱাই যোৱা ২২ মার্চত কমল নাথ নেতৃত্বাধীন কংগ্রেছ চৰকাৰে পদত্যাগ কৰিবলৈ বাধ্য হৈছিল ৷ ইয়াৰ পিছতেই চতুর্থবাৰৰ বাবে ৰাজ্যখনত চৰকাৰ গঠন কৰিবলৈ সুযোগ লাভ কৰে চৌহানৰ নেতৃত্বত বিজেপিয়ে ৷