জুবিন গাৰ্গে ভাৰতৰত্ন পালে আমিয়ে আটাইতকৈ সুখী হ’ম

বাতৰি:

📌 ”জুবিন গাৰ্গ আমাৰ বাবে ভাৰতৰত্নই” — পবিত্ৰ মাৰ্ঘেৰিটা
📌 ”জুবিন গাৰ্গে ভাৰতৰত্ন পালে আমিয়ে আটাইতকৈ সুখী হম” — কেন্দ্ৰীয় ৰাজ্যিক মন্ত্ৰী পবিত্ৰ মাৰ্ঘেৰিটা

অসমীয়াৰ প্ৰাণৰ শিল্পী জুবিন গাৰ্গৰ অৱদানৰ বিষয়ে কেন্দ্ৰীয় ৰাজ্যিক মন্ত্ৰী পৱিত্ৰ মাৰ্ঘেৰিটাই এক হৃদয়স্পৰ্শী মন্তব্য কৰিছে। তেওঁৰ মতে, জুবিন গাৰ্গ কেৱল এটা নাম নহয়, অসমৰ জনসাধাৰণৰ অনুভৱ, সংগীত আৰু সংস্কৃতিৰ প্ৰতীক।

কেন্দ্ৰীয় মন্ত্ৰীগৰাকীয়ে কয়- ”জুবিন গাৰ্গ আমাৰ বাবে ভাৰতৰত্নই। জুবিন গাৰ্গে ভাৰতৰত্ন পালে আমিয়ে আটাইতকৈ সুখী হম”।

পৱিত্ৰ মাৰ্ঘেৰিটাই কৈছে— “জুবিন গাৰ্গ অসমৰ গৌৰৱ। তেওঁ আমাৰ বাবে ইতিমধ্যে ভাৰতৰত্ন। তেওঁৰ কণ্ঠই অসমীয়া সমাজৰ প্রতিটো স্তৰত জীৱনৰ স্পন্দন জাগ্ৰত কৰিছে। যদি কেন্দ্ৰ চৰকাৰে তেওঁৰ অৱদানক স্বীকৃতি দি ভাৰতৰত্ন প্ৰদান কৰে, তেনেহ’লে আমি সকলোৰে বাবে সেইটো এক মহান গৌৰৱৰ ক্ষণ হ’ব।”

জুবিন গাৰ্গৰ মৃত্যুৰ পৰৱৰ্তী সময়ত ৰাজ্যজুৰি শোকৰ ছাঁ বিয়পি আছে। বিভিন্ন সংগঠন, অনুৰাগীসকলে তেওঁক ভাৰতৰত্ন প্ৰদানৰ দাবী জনাই আহিছে। সামাজিক মাধ্যমতো “#BharatRatnaForZubeenGarg” হেছটেগেৰে চলি আছে এক ব্যাপক অভিযান।

অসমবাসীয়ে এই মন্তব্যৰ মাধ্যমেৰে আশা কৰিছে যে জুবিন গাৰ্গক ভাৰতৰ শীৰ্ষ নাগৰিক সন্মান “ভাৰতৰত্ন” প্ৰদান কৰি কেন্দ্ৰ চৰকাৰে তেওঁক এক যোগ্য গৌৰৱ প্ৰদান কৰিব।

নিয়মীয়া বাৰ্তা ডেস্ক, ২২ অক্টোবৰ