যোৰহাটত এটা আনন্দময় পিকনিক শোকাৱহ ঘটনালৈ ৰূপান্তৰিত হৈছে। এগৰাকী যুৱতী বাঘমাৰা এলেকাত ব্ৰহ্মপুত্ৰত ডুবি প্ৰাণ হেৰুৱায়। নিহত ছাত্ৰীজনীৰ প্ৰজ্ঞাশ্ৰী ফুকন বুলি জানিব পৰা গৈছে। তেওঁ যোৰহাটৰ না-আলি বঙ্গাল পুখুৰী এলেকাৰ বাসিন্দা আছিল আৰু জে বি কলেজ, যোৰহাটত স্নাতক পাঠ্যক্ৰম অধ্যয়ন কৰি আছিল।
খবৰ অনুসৰি, যোৰহাটৰ শেমফৰ্ড স্কুলৰ প্ৰথম মেট্ৰিক বেচৰ একাংশ প্ৰাক্তন শিক্ষাৰ্থীয়ে ব্ৰহ্মপুত্ৰৰ পাৰত অৱস্থিত বাঘমাৰাত এটা পিকনিক আয়োজন কৰিছিল। পিকনিক চলি থকাৰ সময়তে প্ৰজ্ঞাশ্ৰী অসাৱধানতাবশত পিকনিকস্থলীৰ কাষতে থকা গভীৰ পানীৰ অংশত পৰে বুলি জানিব পৰা গৈছে। সংগীসকল উপস্থিত আছিল যদিও তেওঁ নিজে পানীৰ পৰা ওলাই আহিব নোৱাৰিলে।
সহপাঠীসকলে কোনোমতে তেওঁক পানীৰ পৰা উদ্ধাৰ কৰি চিপিআৰ প্ৰদান কৰে আৰু ততাতৈয়াকৈ যোৰহাট মেডিকেল কলেজ হাস্পতাল (JMCH)লৈ লৈ যায়। কিন্তু চিকিৎসকৰ সকলো প্ৰচেষ্টা ব্যৰ্থ হয় আৰু তেওঁক মৃত ঘোষণা কৰা হয়।
এই ঘটনাই বঙালপুখুৰী এলেকাৰ লগতে যোৰহাটৰ শৈক্ষিক সমাজত গভীৰ শোকৰ ছাঁ পেলাইছে।
ইফালে, প্ৰশাসনে বিশেষকৈ ব্ৰহ্মপুত্ৰৰ পাৰত পিকনিক কৰিবলৈ যোৱা লোকসকলক অধিক সাৱধানতা অৱলম্বন কৰিবলৈ আহ্বান জনাইছে, কিয়নো বহু ঠাইত পানীৰ গভীৰতা অনিশ্চিত হৈ থাকে।
ডিজিটেল ডেস্ক, ২ জানুৱাৰী