পশ্চিমবংগত নিৰ্বাচনৰ সময়ত সংঘটিত অনিয়মৰ অভিযোগৰ পিছত নিৰ্বাচন আয়োগে এক গুৰুত্বপূৰ্ণ সিদ্ধান্ত গ্ৰহণ কৰিছে। ডায়মণ্ড হাৰ্বাৰ আৰু মগৰাহাট পশ্চিম বিধানসভা সমষ্টিৰ মুঠ ১৫টা ভোটগ্ৰহণ কেন্দ্ৰত পুনৰ ভোটগ্ৰহণ অনুষ্ঠিত কৰা হৈছে। পূৰ্বে জাৰি কৰা নিৰ্দেশ অনুসৰি, মগৰাহাট পশ্চিমৰ ১১টা আৰু ডায়মণ্ড হাৰ্বাৰৰ ৪টা বুথত পুনৰ ভোটগ্ৰহণৰ ব্যৱস্থা কৰা হৈছিল।
ৰাজ্যৰ মুখ্য নিৰ্বাচনী বিষয়াই জনোৱা অনুসৰি, ২৯ এপ্ৰিল ২০২৬ তাৰিখে অনুষ্ঠিত ভোটগ্ৰহণৰ সময়ত কিছুমান অনিয়মৰ অভিযোগ উত্থাপন হৈছিল। ৰিটাৰ্নিং অফিচাৰ আৰু পৰ্যবেক্ষকৰ প্ৰতিবেদনৰ ভিত্তিত নিৰ্বাচন আয়োগে Representation of the People Act, 1951 অনুসৰি এই বুথসমূহত হোৱা ভোটগ্ৰহণ বাতিল ঘোষণা কৰে।
আজি এই সকলো ১৫টা বুথত পুনৰ ভোটগ্ৰহণ অনুষ্ঠিত কৰা হৈছে বুলি জানিব পৰা গৈছে।
ডিজিটেল ডেস্ক, ২ মে’