নিয়মীয়া বাৰ্তা, ২৬ জুনঃ ছবিগৃহত সুশান্তৰ চমক দেখাৰ পৰা বঞ্চিত অনুৰাগীসকলৰ বাবে আহিছে এক সুখবৰ । অহা ২৪ জুলাইত ডিজনি প্লাছ হটষ্টাৰত মুক্তি পাব সুশান্তৰ শেষৰ খন ছবি ‘দিল বেচাৰা’ ।
ডিজনি হটষ্টাৰে এক টুইটযোগে এই কথা ঘোষণা কৰাৰ লগতে ছবিখনৰ এখন প’ষ্টাৰো মুকলি কৰিছে ।
ইপিনে আন এক টুইটযোগে ডিজনি প্লাছ হটষ্টাৰে জনাইছে যে অভিনেতা সুশান্তক সন্মান জনাই ছবিখন হটষ্টাৰ চাবচক্ৰাইব কৰা সকলৰ লগতে নকৰা সকলৰ বাবে উপলব্ধ হ’ব ।
তাৎপৰ্যপূৰ্ণ কথা এয়ে যে চিনেমা হলৰ পৰিৱৰ্তে ডিজিটেল প্লেটফৰ্ম ডিজনি হটষ্টাৰত মুক্তি লাভ কৰিব এই ছবিখন ।
উল্লেখ্য যে সুশান্ত সিং ৰাজপুত আৰু সঞ্জনা সংঘীয়ে অভিনয় কৰা ‘দিল বেচাৰা’ ছবিখন হলীউড ছবি ‘দ্যা ফাল্ট ইন আৱাৰ ষ্টাৰ্ছ’ আলমত প্ৰস্তুত কৰা হৈছে । লগতে এই ছবিখন পৰিচালনা কৰিছে বিখ্যাত কাষ্টিং ডাইৰেক্টৰ মুকেশ ছাবৰাই । ইফালে ছবিখনত প্ৰৱীণ অভিনেতা ছুৱেফ আলী খানেও এটা সৰু চৰিত্ৰত ভূমুকি মাৰিব । এই ছবিখনৰ সংগীত পৰিচালনা কৰিছে এ আৰ ৰেহমানে ।
আনহাতে দিল বেচাৰা ছবিখন এই বছৰৰে মে’ মাহত ছবিগৃহত মুক্তি লাভ কৰাৰ কথা আছিল যদিও দেশত ক’ৰোনাৰ প্ৰতিৰোধৰ বাবে বলবৎ হোৱা লকডাউনৰ পৰিপ্ৰেক্ষিতত ছবিগৃহ বন্ধ ৰখাৰ বাবে মুক্তি লাভ কৰিব পৰা নাছিল । তাৰপাছতে এতিয়া ছবিখন ডিজনি হটষ্টাৰত মুক্তি দিয়াৰ সিদ্ধান্ত গ্ৰহণ কৰে ।
A story of love, hope, and endless memories.
Celebrating the late #SushantSinghRajput‘s legacy that will be etched in the minds of all and cherished forever.#DilBechara coming to everyone on July 24. pic.twitter.com/hG5VMW3WAZ— Disney+ Hotstar (@DisneyPlusHS) June 25, 2020