নিয়মীয়া বাৰ্তা, ১৭ জুলাইঃ নগাওঁ জিলাৰ শালনা বনাঞ্চলিক কাৰ্যালয়ৰ এটা বন কৰ্মী দলে আজি চামগুৰি সমষ্টিৰ অন্তৰ্গত মাগুৰমাৰী অঞ্চলত অভিযান চলাই এটা অবৈধ কাঠ মিল জব্দ কৰিবলৈ সক্ষম হয় ৷জানিব পৰা মতে শালনা বনাঞ্চলিক কাৰ্যালয়ৰ বন বিষয়া নেপাল মণ্ডলৰ নিৰ্দেশত বনপালক কুলেন্দ ভূঞাৰ নেতৃত্বত এটা বন কৰ্মী দলে আজি এক গোপন সুত্ৰৰ পম খেদি চামগুৰি সমষ্টিৰ অন্তৰ্গত মাগুৰমাৰী অঞ্চলত অবৈধ কাঠ মিলৰ বিৰুদ্ধে অভিযান চলাই মাগুৰমাৰীৰ ৰুবুল আমিন নামৰ লোকজনৰ এটা অবৈধ কাঠ মিল জব্দ কৰিবলৈ সক্ষম হয় ৷ বন বিভাগে আজি জব্দ কৰা অবৈধ কাঠ মিলটো বৰ্তমান শালনা বনাঞ্চলিক কাৰ্যালয়ত ৰখোৱা হৈছে বুলি বন বিভাগৰ এক সুত্ৰই জানিবলৈ দিয়ে ৷