নিয়মীয়া বাৰ্তা ২ ডিচেম্বৰঃ কংগ্ৰেছৰ সংসদীয় দলৰ নেতা অধীৰ ৰঞ্জন চৌধুৰীয়ে লোকসভাত বিত্ত মন্ত্ৰী নিৰ্মলা সীতাৰমণৰ বিৰুদ্ধে অসংসদীয় শব্দ প্ৰয়োগ কৰে। চৌধুৰীয়ে নিৰ্মলা সীতাৰমণক উদ্দেশ্য কৰি কয় যে আপোনাৰ প্ৰতি মোৰ সন্মান বহুত আছে, কিন্তু মই ভাবো আপোনাক নিৰ্মলা সীতাৰমণৰ বদলি “নিৰ্বলা” সীতাৰমণ বুলি কোৱাহে সঠিক হ’ব। লগতে চৌধুৰীয়ে পুনৰ দোহাৰে যে আপুনি মন্ত্ৰী পদত আছে কিন্তু আপোনাৰ মনত কি আছে সেইবিষয়ে ক’ব পাৰে নে নোৱাৰে।
উল্লেখ্য যে ইয়াৰ পূৰ্বে চৌধুৰীয়ে দেওবাৰে প্ৰধানমন্ত্ৰী আৰু গৃহমন্ত্ৰীক অবৈধ অনুপ্ৰৱেশ কাৰী বুলি অভিহিত কৰিছিল।