নিয়মীয়া বাৰ্তা ১৬ ছেপ্টেম্বৰঃ আগন্তুক আই পি এলত ৰয়েল চেলেঞ্জার্ছ বাংগালুৰুৰ হৈ খেলিবলৈ উৎকণ্ঠাৰে অপেক্ষা কৰিছে অষ্ট্রেলিয়াৰ উদীয়মান লেগ স্পিনাৰ আডাম জাম্পাই৷ ইংলেণ্ডৰ বিৰুদ্ধে সম্প্রতি এদিনীয়া শৃংখলাত ব্যস্ত থকা ২৪ বছৰীয়া ক্রিকেটাৰগৰাকীয়ে কয় যে আৰ চি বিত য়ুজৱেন্দ্র চাহালৰ সৈতে খেলিবলৈ তেওঁ অত্যন্ত উৎকণ্ঠিত হৈ আছে৷
উল্লেখ্য যে বিৰাট কোহলি নেতৃত্বাধীন আৰ চি বিয়ে অষ্ট্রেলিয়াৰ তাৰকা বেগী বলাৰ কেন ৰিছার্ডচনৰ স্থানত উদীয়মান লেগ স্পিনাৰ জাম্পাক আমন্ত্রণ জনাইছে৷ ইউ এ ইৰ মন্থৰ আৰু স্পিনসহায়ক উইকেটৰ প্রতি লক্ষ্য ৰাখি দলটোৱে জাম্পাৰ দৰে এগৰাকী দক্ষ স্পিনাৰক অন্তর্ভুক্ত কৰিছে৷ ইংলেণ্ডৰ বিৰুদ্ধে চলিত শৃংখলাত দুর্দান্ত বলিঙেৰে জাম্পা উজলি উঠিছে৷