নিয়মীয়া বাৰ্তা ১৬ জানুৱাৰীঃ শুকুৰবাৰে হাউছফেড পথৰ ১নং বাসগৃহত মুকলি হ’ল ৱেব প’র্টেল ইনছাইড এন ইৰ মুখ্য কার্যালয়৷ এই ৱেব প’র্টেলটোৰ কার্যালয় আনুষ্ঠানিকভাৱে উদ্বোধন কৰে প্রাইড ইষ্ট এণ্টাৰটেইনমেণ্ট প্রাইভেট লিমিটেডৰ মুখ্য পৰিচালন সঞ্চালিকা ৰিণিকি ভূঞা শর্মাই৷ এতিয়াৰে পৰা এই কার্যালয়টোৰ পৰাই ৱেব প’র্টেল ইনছাইড এন ইয়ে ডিজিটেল মাধ্যমৰ জৰিয়তে সম্প্রচাৰ কৰিব বাতৰি৷ এই ৱেব প’র্টেলৰ মুখ্য কার্যালয় মুকলি কৰি ৰিণিকি ভূঞা শর্মাই বর্তমান ডিজিটেলাইজেচনৰ যুগত টীম ৱর্কৰ জৰিয়তে ইনছাইড এন ইক আগুৱাই নিয়াৰ আহ্বান জনায়৷ লগতে ইনছাইড এন ইৰ সকলো কর্মচাৰীক শুভেচ্ছা জনায়৷
ইফালে, শীঘ্রে ইনছাইড এন ইত সংযোজন হ’ব আন এটা ৱেবছাইট৷insidene.in শীর্ষক এটা বিজনেছ ৱেবছাইট মুকলি হ’ব বুলি ঘোষণা কৰে জ্যেষ্ঠ সাংবাদিক আফ্রিদা হুছেইনে৷ বিজনেছ সংক্রান্তীয় সকলো ধৰণৰ বাতৰি এই ৱেবছাইটৰ জৰিয়তে দর্শকে লাভ কৰিব বুলি অৱগত কৰায় ইনছাইড এন ই কর্তৃপক্ষই৷ অহা ২৬ জানুৱাৰীত ইনছাইড এন ইৰ প্রতিষ্ঠা দিৱসৰ দিনা মুকলি হ’ব এই নতুন ৱেবছাইটটো৷